يا وقت أضحك لي دخيلك خاطري مكسور ..

وقت أضحك لي دخيلك خاطري مكسور ..
دخيلك مابقى فيني محل فيه تطعني ..

تعبت أداري العالم وحزني داخلي محفور
تعبت أسمع لشكواهم ولابه منهو يسمعني..

صبرت وقلت بتحمل ولكن ماهو بالمقدور
أخبي دمعه طاحت على جفني تجرحني ..

ابي ابكي ابي اصرخ بفجر من دموعي بحور
لان الدنيا ضاقت بي وكثر الصمت يذبحني ..

ابي احكي ابي اشكي بقول اللي ببالي يدور
أبيهم كلهم يدرون وش اللي حيل محزني ..

لي قلب امتلأ بالجرح وصار الحزن به معمور
وصدر يشتعل نيران لهبها دوم يحرقني ..

وهموم مالها آخر على راسي تجي بالدور
وأمل ضايع وفرج صاير أناديله ويصد عني ..

ألا يا وقت اضحك لي دخيلك خاطري مكسور
دخيلك ما مضى يكفي ألا يا وقت ارحمني

تصلح يغنيها راشد الماجد
تسلم على الققصيده الرووعه

الله يسلمك يا الغالي

ودي انك انت الي تغنيها ولا يغنيها راشد الماجد

الله يعطيك العافيه على المرور

تسلم يمناك ابوعبيد وياليت تغنيها ابوعبيد ونتغنى بصوتك ومشكووور عالموضوع الرائع /*وشكرآ*\

انشاء الله يا أبوسلطان ولا يهمك انت غالي و الطلب رخيص
مع ان صوتي كله نشاز بس على شانك بحاول
ومشكور على المرور