فراق الحبيب

قــــــــعدت وْيَ الزمــــــــن اتناقـــــــــــــــش وْيــــــــــاه
وحس بيّه الوجع والألم والآه
وشــــــــــــاف الدمـــــــع وَيْ بســــــــمتي اخـــــــــــــفيه
وشاف قلبي الحزن ترساه
وحاولــــــــت اضيّع دمعتي بالــــــــبسمة والضحــــــــكات
لكن, قعد يسألني وسؤاله قلبي حمّاه
لـــــــــــــــــــيش القــــــــــــــــــــلب مـــــــــــــــــــالوم
سولفلي يمكن انا ادواه
جــــــــــــــــاوبته الحــــــــــــــــزن والظــــــــــــــيم هذا
ترى كله من الم فرقــــــاه
قَــــلِّي احجي لي وفضفض لي جــــــــــــــــروح قلــــــبك
يقولون الحَـجِـي يرَوِّي الظامي ويطفي جمرة اظماه
قتله شَحْـــجيلك والدمـــــــــــعة بطـــــــــــــــــــرف عيني
بس احجي, دمعي يِصــِب مجراه
عشــــــــــــــــــــــــــنا الفرح والآهــــــــــــات سُـــــــوَّه
سنة صارلي تقريباً انا وْ يَــــاه
من يوم التِــــــــــــــــــعرَّفْــت اعْــــليْــــــــــــــــــــــــــه
دوم الي مفتوح قلبه ابد ما سدّاه
جِـــنْت اشـــــــــكي له اهمــــــــــــــــــومي كلها واعددها
وتسليني شوفِـــته والقعدة ويّاه
يطبطب على اجتافي وِيهَديني ويمسح دمعة عيوني ويِنَسِّـيني
بعدها حتى الالم انساه
اسأل البـــــــــــــــــــاري ابنبـــــــــينا وحيدر الكـــــــرار
وحسن وحسين وفاطمُ الزهرا
مثل مارد يوسف ليعقوب الــــــــــــــــــــــــــــحزنه اعماه
يرد لي الغالي ويسعده بَاخِرته وابدنياه